By Market Digest Editorial2022-06-09 10:54

【投資專欄】如果你仍然覺得日圓好抵、石油好貴⋯其實時光可變,世界亦一早改變 (弩飛投資)

By 弩飛投資2022-05-11 03:47

每個人嘅人生中通常會出現幾次超級大趨勢,只要捉得住一兩個,基本上就已經可以上岸,例如上一輩喺香港經濟起飛當中買咗樓、QE時代買入錢嘅相反資產(美股、香港樓)、虛擬貨幣未普及前已經有conviction等,所以唔好將時間同精力,追逐短期可見的回報,從而忽視真正改變命運嘅大趨勢 對於近排股市大跌,無論輸得少或者輸得多嘅投資者,大部份人嘅諗法係希望把握今次機會,喺低位買入優質資產,追番之前失去嘅回報,但係要小心你心目中嘅「優質資產」未必係新世界嘅「優質資產」(例如2020年出無限QE,俾你捉到大市低位,但若果買咗防守型嘅高息股,而唔係具幻想空間嘅增長股或crypto,回報會爭好遠,因為當時嘅底層邏輯係超低利息同放水,你心目中嘅優質股,未必係市場認可嘅優質) 現時好多現象都只係表徵,我哋需要做嘅係理解底層嘅邏輯,由於底層嘅邏輯未一面倒被大部份人認可,舊思維同新思維嘅投資者會導致表徵會出現好大嘅波動性: 以石油同日圓為例,用舊嘅底層邏輯,你可以畫一條30年嘅trading range,認為石油喺$100已經好貴,日元已經跌到好平(每次去親銀行,銀行職員都叫我買),但另一邊股神巴菲特不停買入油股,投行交易員不斷沽日元,佢哋唔係傻嘅,相信係底層邏輯同市場有所不同(巴菲特覺得石油喺未來唔會比新能源代替,反而比國家更大嘅安全感;投行交易員沽日圓買美金,當中息差搵一部份買埋保險,仍然有套利機會) 講咗咁耐,所謂嘅「新世界底層邏輯」係指乜嘢,下一篇文講,大家不妨討論下覺得成個世界喺未來有乜嘢結構性嘅改變! (續上篇) 透過觀察唔同國家嘅行動(例如沙地阿拉伯考慮用人民幣買石油、印度用七折買俄羅斯石油等),市場價格走勢(例如俄羅斯盧布對歐元大跌之後破新高、增長股同優質股一齊破底等),大資金嘅部署(例如巴菲特2/3你嘅新投資都係石油相關),我嘗試判斷佢哋背後嘅底層邏輯: 1)美債認受性(可能被削弱,導致其他資產地位提升) 喺Bretton Wood II嘅制度入邊,美債理論上係最安全嘅資產,金融教科書都將佢定義為risk free asset,當中嘅risk free rate構成左大部份金融估值模型嘅基礎。

【投資專欄】想可以好似奇異博士咁預知未來⋯做到跌市時冇貨,升市時滿倉?(弩飛投資)

By 弩飛投資2022-05-04 10:25

Marvel入面嘅奇異博士係弩飛好鍾意嘅角色,佢可以睇到未來會發生嘅不同可能性,而每次我做完重大嘅投資決定之後,都會思考平衡時空嘅自己會否比現實做得好還是差:做得唔好嘅會諗吓操作上有咩改善空間,做得好嘅會考慮當中有幾多係運氣成份,因為長遠始終「贏幾盡係睇運氣,輸幾少係睇知識」 話說三月中18000點嘅時候,中國政府係急跌之後提出五點安撫投資者嘅負面情緒,當時弩飛同個女上緊英文堂,錯過咗最佳入市位,之後我不斷問可以改善嘅地方喺邊度:係冇事先做好準備?定係唔應該1:00上堂?我一直希望嗰日又可以嚟多次,讓我了解我係咪一定會錯過最佳入市位 估唔到上星期五好似時光倒流,重新出現返18000點急劇反彈嘅情況:喺食飯前,科技股開始有異動,當時估計係春江鴨嘅表現,根據《高/低風險入場位》嘅諗法,低位博反彈係應該入高風險嘅股票,所以當時揀咗7226(兩倍科指ETF),而非較安全嘅優質股 我喺收市之前係放咗大部份嘅貨止賺(都超過10%盈利),主因係1)消息面同上一次大致相同,都係上次果五點,2)沽空比率比上次少好多,相信冇乜short squeeze嘅情況,3)H股相對A股較受外國資金嘅影響,所以政策底同市場底嘅關聯性,H股比A股較低,因此寧願揸住早一日買嘅3188/3147,而day trade 7226 最後,我發現係完全準備嘅情況下,投入呢個trade嘅資金相對有限,所以上次lost profit其實都係唔係想像中咁多。

【投資專欄】 想知上海封城真實情況?不妨看看「另類數據」:商場停車場拍幾多架車都關事?(弩飛投資)

By 弩飛投資2022-04-28 07:51

話說上海封城差唔多成個月,好多基金經理掛住周圍搵食物,唔得閒投資股票,嚟緊好似又到北京隨時封城。

【投資專欄】 雖然通常債息倒掛一排先會股災⋯但市場似會繼續向下,再縮減倉位(弩飛投資)

By 弩飛投資2022-04-25 10:06

Yield curve inversion係市場上公認為最準確嘅熊市leading indicator,分析員普遍認為熊市訊號出現咗之後同大跌市中間仍然有時間差,大家唔使咁緊張住。

【投資專欄】巴菲特話:「唔好因為打仗而唔買股票」:但要買咩股票?(弩飛投資)

By 弩飛投資2022-03-01 08:42

由於今年嘅大環境係「高通脹,低增長,利息上升」,所以conviction係持有「價值型高股息」嘅股票尋求保值,但係呢一兩日烏俄大戰,令到市場有劇烈動盪,改變左每類資產嘅risk adjusted return,因此弩飛決定先行減倉止賺,等自己同大市消化完呢個衝擊,再重新部署。

【投資專欄】恒指單日升800點,之後會點走?現在一張圖教你分析行業資金流動模型(弩飛投資)

By 弩飛投資2022-01-22 10:09

1月20日的恒指大升八百點,由頭升到尾,成交千七億,新舊經濟一齊升,好耐未試過咁興奮!1月20日雖然重倉嘅銀行同石油需要調整,但係保險、基建、證券開始發力,連之前不振嘅增長股都有反彈跡象,感覺成個香港市場嘅格局有所改變。

【投資專欄】2021的投資覺悟:港股市場絕對唔係可以共渡患難的地方,想繼續玩可以點做? (弩飛投資)

By 弩飛投資2022-01-04 07:31

簡單來講,今年最後都係輸幾個%⋯ 其實本來去到十一月中回報都仲係正負零,但由於最後個半月指數都要跌多10%,整體回報跌去負數都係冇辦法⋯幸好,今年年初將一部份資金轉咗去非股票資產,嗰邊嘅升幅都補償到中港股票嘅跌幅,亦都令到中港股票個base細咗,減低左absolute嘅損失。

【投資專欄】加息、收水、中美關係都係可控範圍:南非變種病毒會令全球再次risk off?(弩飛投資)

By 弩飛投資2021-11-30 10:12

過去兩個月,港股一直係低位浮浮沉沉,而過往兩個月三次嘅調整,弩飛分別將倉位逐步加上,由六成到八成到而家九成幾,有趣嘅係雖然指數不停向下,但整體嘅PnL一次比一次高(應該贏多咗指數7%),想同大家拆解番背後嘅諗法: 原先諗住若果資金返嚟,通常會先選擇大型優質股,有更加多資金先會流入去中型股/質素普通嘅股票。

【投資專欄】恒指反彈,第四季2大策略:尋找高賠率公司、增加低估值成份股 (弩飛投資)

By 弩飛投資2021-10-08 09:34

回顧第三季:守住了正負零 - 係全球股市持續破頂嘅情況下,第三季嘅港股跌咗一成幾,科指跌咗兩成幾,個別股票更加慘不忍睹⋯幸好大部份時間三成倉、hit and run嘅做法,加上火電股嘅幫助,季結啱啱好守住正負零。

【投資專欄】大市連跌多日,呢2隻股值得重注博反彈 (弩飛投資)

By 弩飛投資2021-09-20 09:50

其實當價值股同指數分道揚鑣咁行嘅時候,我一直喺度問,究竟個調整係risk off定係sector rotation。

【投資專欄】 咩股依然值得重倉?精選3隻重型機械股、非四大行內銀股(弩飛投資)

By 弩飛投資2021-08-10 03:17

喺上個星期一嘅文章《最後逃生門?加倉到四成》 提到我入咗唔同行業嘅貨,去感受一下唔同行業龍頭嘅「特斯拉閥」嘅情況。

【投資專欄】 最後逃生門?加倉到四成!避開醫療、消費股,押注「硬科技」(弩飛投資)

By 弩飛投資2021-08-02 10:07

以下文章獲Blogger「弩飛投資」授權轉載,不代表Market Digest的平台立場。

【投資專欄】科技股估值合理又如何?技術面大獲,政府打壓力度開始入肉⋯(弩飛投資)

By 弩飛投資2021-07-26 10:26

以下文章獲Blogger「弩飛投資」授權轉載,不代表Market Digest的平台立場。