【投資專欄】 想知上海封城真實情況?不妨看看「另類數據」:商場停車場拍幾多架車都關事?(弩飛投資)

投資專欄
弩飛投資

話說上海封城差唔多成個月,好多基金經理掛住周圍搵食物,唔得閒投資股票,嚟緊好似又到北京隨時封城。由於北京同上海係一線城市,受到嘅報道比較多,內地三大指數都有所反應,但其實佢哋都只係咁多城市之中嘅其中兩個,所以隨着就嚟到1Q業績公布期,大家都有興趣全國經濟嘅實際狀況有冇咁差

其中一個方法,就係用近排好興嘅另類數據(alternative data)。因為隨着資訊越嚟越發達,散戶獲得嘅資訊越來越多,好多基本數據都可以上網搵到,大戶要拉開資訊上嘅差距,就唯有搵另類數據,而呢啲數據嘅提供者當然會收返錢啦

最多用嘅另類數據,就係透過衛星去監察行業相關嘅活動量(以前冇咁先進嘅時候,機構會派人好似間諜咁樣坐喺人哋工廠門口數貨車,我印象以前有一間做樹木嘅公司,俾人數到用貨車搬出搬入嘅樹木比年報講嘅少好多),再去估算行業嘅情況,以下係幾個有趣嘅例子:

1)想估中國嘅消費力,可以睇吓商場嘅停車場拍咗幾多架車(我覺得呢個估算方法喺外國比較準確⋯),估計商場人流嘅情況係點(圖一),的確係跌咗啲,但係冇第一次封城咁誇張

2)至於工業生產,SpaceKnow(另類數據供應商)用衛星睇咗1300間工廠嘅活動量(圖二),驟眼望落冇乜太大影響,只係跟返農曆新年嘅季節性調整

3)但係國內河道船隻嘅活動量(圖三)就真係跌咗,所以唔排除有庫存積聚,整咗出嚟嘅產品運唔到出去

雖然另類數據對投資股票未必有直接影響,但係若果你對政府公布嘅數據有懷疑,另類數據可以用另一個角度cross check一下

*文章獲弩飛投資授權刊登,原標題為《另類數據睇封城影響

免責聲明:本網刊載的所有投資意見,只可作參考用途。讀者在作出投資決定前理應審慎,並主動掌握市場最新狀況。若不幸招致任何損失,概與本網無關。而本集團旗下網站或社交平台的網誌內容及觀點,僅屬筆者個人意見,與本集團立場無關。本集團旗下網站對因上述人士張貼之資訊內容所帶來之損失或損害概不負責。

圖一:商場停車場泊車指數
圖二:1300間工廠嘅活動指數
圖三:國內河道船隻活動指數

即刻follow我地Facebook同Instagram,隨時接收最新資訊!

你可能感興趣