【投資專欄】恒指反彈，第四季2大策略：尋找高賠率公司、增加低估值成份股 （弩飛投資）

回顧第三季：守住了正負零

- 係全球股市持續破頂嘅情況下，第三季嘅港股跌咗一成幾，科指跌咗兩成幾，個別股票更加慘不忍睹⋯幸好大部份時間三成倉、hit and run嘅做法，加上火電股嘅幫助，季結啱啱好守住正負零。

展望第四季：播種嘅時候

- 中小型股票係主調：係「共同富裕」的政策下，未來中國政府將大力提升對中層市民和企業的支持，逆轉我係2020年8月《未來商業世界的構想》入面提到大資金會將商業結構變成槓鈴形狀（barbell）嘅諗法，因此增長會集中喺五百億至三千億嘅公司。

- 商業模式嘅偏愛有變：市場近幾年都偏愛輕資產嘅商業模式，但自從政府表示希望行「德國路線」之後，留意到過往重資產/PPP模式嘅行業有估值修復嘅情況（例：電、環保、基建），令到有增長嘅價值股不再因為商業模式導致估值只跌不升

- 指數持續波動，升幅集中在幾個行業：大跌咗咁多，通常唔會即刻出返個牛市出嚟，因為信心同資金都要重新建立（有啲人嘅講法係Stage 1）。由於資金不足、加上Q4中國經濟繼續放緩，好多年初炒嘅行業都會有反彈冇升幅，反而年初冇炒嘅行業破頂後更有機會。

最近操作：逐步加倉到五成

- (Alpha)尋找高賠率嘅公司：大市差嘅時候正正係做功課嘅時候，目標搵一啲潛在升幅50-100%嘅公司，暫時見到大部份集中喺中小型高beta嘅公司（中國建築急升後成為其中最大嘅持倉）

- (Beta)增加低估值成份股：其實近排都開始買入跌到殘價既指數股，例如騰訊、美團、平安等，對沖返估值偏貴嘅藥明生物。

- ETF：主要都係3147，投資邏輯虎哥寫得非常全面，可以參考佢嘅文章；近排諗緊分批部署兩倍指數嘅ETF，跑贏指數嘅方法除咗加alpha之外，就係加大個beta。

＊文章獲 弩飛投資 授權刊登，原標題為《回顧·展望·操作》

免責聲明：本網刊載的所有投資意見，只可作參考用途。讀者在作出投資決定前理應審慎，並主動掌握市場最新狀況。若不幸招致任何損失，概與本網無關。而本集團旗下網站或社交平台的網誌內容及觀點，僅屬筆者個人意見，與本集團立場無關。本集團旗下網站對因上述人士張貼之資訊內容所帶來之損失或損害概不負責。