【日出康城】首都錄主力牆風波後首宗成交，買家成功鋤逾「半球」入市

將軍澳日出康城首都日前被揭發有3房單位業主，違規拆除主力牆，事件引起社會關注外，亦令屋苑睇樓量即時大跌約一半。不過，據消息指，有區內換樓客趁勢向首都業主鋤價，最終昨日以878萬元，低價撈入該屋苑一個3房單位，對比市價平近4%。

據區內代理透露，首都1座中層LD室，實用面積708平方呎，3房間隔，昨日以878萬元易手，呎價12,401元，屬違規拆除主力牆事件曝光後，屋苑首宗成交，而是次成交價較原業主開價低52萬元或5.6%外，對比市價也賣平近4%。

據了解，買家為區內換樓家庭客，「其實之前已經睇啱咗個單位，但因為(違規拆除主力)件事令到心理有啲影響，所以要同屋企人傾買定唔買」，最後覺得單位非受影響座數，加上業主肯減覺得口價「算筍」，故仍決定入市。而原業主2016年以680萬元購入，帳面獲利198萬元，升值29.1%。

該代理又指，違規拆除主力牆曝光外，確實有屋苑睇樓客「縮沙」，但相信只是短期情況。