美聯儲一如預期按兵不動,不過最新利率點陣圖顯示,委員預計年底前將進一步加息,主席鮑威爾「鷹」氣逼人,表示將通脹持續降至2%的過程仲有好長嘅路要走,兼且從未打算就任何減息的時間發出訊號!受累美國債息繼續升,隔晚美國科技股捱沽,已經噚日收市轉咗弱勢紅燈嘅恒生科技指數果然要跑輸。
隔晚油價再創10個月高位,帶挈全球能源股抽上,兗煤(01171)本月暫飆兩成半,明顯跑贏大市表現。
炒鬼呢期至愛一定係內房股,勝在成交活躍波幅夠。