【樓市熱話】網友恥笑朋友「租樓扮有樓」，網友：租樓仲可以有錢喺手

本港樓價高昂，「有樓在手」確實令不少港人感到自豪。最近便有網友指，自己有同事經常聲稱自己有物業，住在某一屋苑，惟其後被「踢爆」為與女友一同租住該屋苑，相當尷尬。該網友表示，自己之前曾問該朋友買樓相關手續，但「答到口啞啞」已經知道。他又認為，租樓即是等於「成世幫人供樓」，相當不智。

然而，不少網友認為，有樓才是「真窮」，皆因「租樓都仲可以有錢喺手」，形容租樓才是真正的財務自由；又批評樓主的想法已經過時，選擇租樓居住並無不妥。他們又認為，真正「有樓」或家境較佳者或會「扮窮」，以免遭他人就閒話，直言即使有物業在手，「買都話租」。

不過，亦有網友認為，若被同事或上司知道自己家境較佳，反而會「忌你三分」，因為「隨時可以拍拍囉柚走」，而且社交圈子多較一般人為佳，「一定有好路數」；相反，家境較差者容易被上司剝削，「因為知你重視份工。」

網友看法：

「啲人係香港供幾十年樓以為自己好威；大把明星，有錢人都係租樓架啦，有咩問題；好多人遲啲想移民或者無諗住生仔咪唔買樓囉」

「我住緊千幾呎四房，都係扮住附近另一屋苑五百尺兩房，廢事比人話有錢過老闆，辦公室政治真係好麻煩。」

「人地唔想住就可以走喎，供樓不了」

「佢扮係因為唔想令到你傷心咋，租租跑贏大市，財務自由」