【本地樓市】網民唔信租金回到2015年，翻查數據卻發現...

《彭博》近日發表研究報告指，下半年按揭利率有機會繼續上升，屆時租樓有機會較買樓更具吸引力，而業主亦有機會提高租金以抵銷供樓支出增加，預計下半年市場有機會出現「樓價跌、租金升」現的，樓價在下半年料跌5%，而租金則全年升5%。

有網民指出，他本人聽聞租金而家回落到2015年水平， 本來並不相信，但當翻查差估價署資料，才發現原來香港住宅租金一直跑輸通脹，坦言「用投資角度嚟講，香港樓市其實麻麻地， 租金回報率幾差」，「只不過香港人工加得太少。」

另外，亦有網民列三大原因，指出租樓比買樓優勝：

第一 性價比高

香港地租架超跑一日都要成雞野一日，結婚租件婚紗裙褂都1萬幾千。

依家一千萬樓都只係兩皮一個月，幾千萬樓一個月都係4-5萬左右。幾萬蚊爽人地一世都搵唔到嘅資產，你話值唔值？

第二 流動性

有錢，可以食天鵝肉，冇錢，可以食豬腩肉。咩地方咩價錢自由選擇無壓力。邊度返工租邊度，有得揀，你先係老闆。

第三 機會成本

依家美股日日數銀紙，去買樓？ 買Tesla好過啦。

該名網民結語表示：「信我，租樓先係皇道。」