【投資專欄】Elon Musk買完Twitter又話進軍鋰業，係真唔係？（CFO講年報）

Elon Musk Twitter 話要進軍鋰業，堅唔堅呀？

Twitter而家好好用，愛嚟同供應商討價還價都已經夠殺 「unless costs improve」

1. 贛鋒鋰業1772而家跌緊15%，唔知係唔係因為Elon Musk喺Twitter 話自己要做埋鋰礦同埋提煉業務。

「Tesla might actually have to get into the mining & refining directly at scale, unless costs improve.」

2. 贛鋒喺2021年11月公告咗佢地同Tesla簽咗三年銷售合同，不過供貨由2022年1月開始直到2024年12月。即係2021年嘅業績係未反應呢個銷售合同嘅影響。

3. 嗰份公告冇講實際採購量，不過講咗會係以Tesla發出採購訂單為準，即係話可多可少，冇committed volume。

4. Elon Musk其實喺2020年9月都有講過想自己去開採同埋提煉鋰礦。不過到而家都未開始做。

5. 贛鋒喺上個月中都有出咗2022年1-2月嘅初步業績收入上升2.6倍，淨利潤上升3倍，都係因為鋰礦物嘅價格大幅上升，呢個同Elon Musk講嘅嘢係一致。

Elon Musk喺Twitter講嘅嘢係唔係一定會做？

Practically....

6. 進軍鋰礦開採同埋提鍊業務係咪咁容易？技術上做得到，時間上要幾耐先至可以有效益？

7. 係去買有鋰礦嘅礦山？定係去買現成有鋰礦開採同埋提鍊業務嘅公司？

8. 鋰相關產品價格高昂代表現時市場供應非常緊張，即係本身而家原材料好緊張，咁無論係鋰電池製造商定係電動車生產商，佢哋都應該好緊張手頭上嘅貨源去趕製佢哋而家要meet到嘅訂單，佢哋會唔會因為而家個價太貴，一下子就放棄手頭上用合同bind 咗嘅採購權？定係睇定啲？

9. 我成日覺得呢啲嘢practically冇佢出個tweet 咁簡單就可以做到，上個禮拜夠話要做Twitter director，而家咪又話唔做。

10. Twitter而家好好用，愛嚟同供應商討價還價都已經夠殺 「unless costs improve」

所以呢單嘢都係50:50

11. 唯一有結論性嘅嘢係，鋰產品價格真係越嚟越貴，睇到贛鋒2022年1-2月業績倍增，所以電動車呢個板塊中短期都面對好大困境。

12. 究竟佢哋會減低產量令到唔使硬食咁高嘅鋰價，定係硬着頭皮去搶市場但要降低個利潤空間？一日芯片同電池嘅供應鏈問題未解決電動車市場短期都幾有壓力。

＊文章獲Cfo講年報授權刊登，原標題為《#CFO講年報 #Tesla #進軍鋰業 #贛鋒鋰業 #鋰電池》

免責聲明：本網刊載的所有投資意見，只可作參考用途。讀者在作出投資決定前理應審慎，並主動掌握市場最新狀況。若不幸招致任何損失，概與本網無關。而本集團旗下網站或社交平台的網誌內容及觀點，僅屬筆者個人意見，與本集團立場無關。本集團旗下網站對因上述人士張貼之資訊內容所帶來之損失或損害概不負責。