【投資專欄】美國債息係咁上，中港2地銀行股應該點揀好？（弩飛投資）

今次入銀行，差唔多掃晒所有中港兩地嘅銀行，當中包括：建行（939）、工商（1398）、郵儲（1658）、中銀（3988）、匯豐（5）、中銀香港（2388）。買入嘅選擇條件係低估值、高股息，同埋冇增長嘅元素係入面，所以以前最喜愛嘅招商銀行（3968），今次反而冇買，留意到招商嘅走勢係比較貼近增長股嘅走，喺10年期債息向上嘅情況下，值搏率冇咁高。

其實銀行嘅第一注（佔倉位一兩成）差唔多係一兩個月前買落，因為嗰時嘅股息真係非常吸引，加埋用咗孖展去買雙倍，喺利息只有2厘嘅情況下，買入有7-8厘嘅公司，股息去到（7-8%）x 2 - 2% = 12-14%，真係不得了！咁當時當然股價可以繼續跌，但係有唔少收息股嘅特性，係派息前幾個月開始上升，所以覺得搏得過，升勢穩定咗之後先加埋第二注

檢討番今次出擊，其實係唔錯嘅，但係改善嘅空間應該要將更大嘅比重放喺香港銀行，因為佢哋更加受美國債息嘅影響，相比起高股息嘅內銀升得更多更穩定

最新部署：今日將一星期前後追嘅注碼止賺，保留返基本注碼，因為留意到連續升咗一個月之後開始有調整嘅壓力，同埋A股嘅銀行股跌返晒落去低位⋯

＊文章獲弩飛投資授權刊登，原標題為《銀行股嘅選擇 》

免責聲明：本網刊載的所有投資意見，只可作參考用途。讀者在作出投資決定前理應審慎，並主動掌握市場最新狀況。若不幸招致任何損失，概與本網無關。而本集團旗下網站或社交平台的網誌內容及觀點，僅屬筆者個人意見，與本集團立場無關。本集團旗下網站對因上述人士張貼之資訊內容所帶來之損失或損害概不負責。