【投資專欄】 港股回調助你認清下一輪強勢股，中線仍然睇好，回調後準備下一浪升勢！ （弩飛投資）

上星期寫嘅《通脹預期影響「東升西降」》提到弩飛將全部高beta嘅股票移除，同埋將指數ETF減少1/3。一星期過後，指數回調咗千幾點，高beta嘅車股同IT股調整左10-20%，相比起指數回調得更劇烈，因此減倉之後，今年嘅回報跑贏指數嘅幅度由單位數進入雙位數（至於沽空比亞迪，其實純粹對沖下，預先唔會估到有咁大量股票搬去CCASS，下次我都係照沽二線股穩陣啲）

對於後市，其實中線仍然睇好，上星期嘅減倉只不過係認為短期調整係大機率嘅事，所以希望透過避一避增加之後嘅持貨能力，始終time in market beats timing the market。調整嘅原因，一嚟係市場突然一面倒睇好（大行overweight中國市場、多咗普通投資者入市），單日二千億大成交後大市後勁不繼，短期資金用盡；二嚟熊市轉牛市嘅初期，主要係由估值修復帶動，但係對住嚟緊嘅業績公布期，市場會發現大部份嘅企業其實未必交到功課，呢個會影響心理預期，從而影響估值修復

下一步部署：借住今次調整嘅機會，分清楚邊啲股票會喺下一轉嘅強勢股，方法分為技術面同基本面：技術面都係跟「特斯拉閥」嘅方法，喺最近三個月升得多跌得少，基本面要跟大市趨勢（例如政府支持嘅行業）同埋資金偏好（例如醫藥行業喺全球收水嘅環境下，自身有FCF支持研發嘅石藥同中生，相比靠外來資金推動研發嘅信達同百濟神州更可取）

最後，等今次回調完之後，弩飛將會買番高beta嘅強勢股，希望喺下一次升浪將PnL推到更高嘅位置！

＊文章獲弩飛投資授權刊登，原標題為《回調後準備下一浪升勢》

免責聲明：本網刊載的所有投資意見，只可作參考用途。讀者在作出投資決定前理應審慎，並主動掌握市場最新狀況。若不幸招致任何損失，概與本網無關。而本集團旗下網站或社交平台的網誌內容及觀點，僅屬筆者個人意見，與本集團立場無關。本集團旗下網站對因上述人士張貼之資訊內容所帶來之損失或損害概不負責。