【投資專欄】中概股股災！現在應否撈底中概股？（馬達投資）

呢兩日中概股好似repeat緊上年初熔斷式暴跌，觸發點是24日美國SEC正式開展Holding Foreign Companies Accountable Act，將不遵守美國審計規則的外國公司除牌。所有中國公司無一倖免，跌到一仆一碌。

但琴日大部分中概股已經穩定番，大家炒開既富途(FUTU)，小鵬（XPEV），貝殼（BEKE）都有唔錯反彈，唯獨是三傻騰訊音樂(TME)，唯品會(VIPS)，愛奇藝（IQ）繼續跌，睇股價圖就好似微信女股咁高位暴跌。呢三隻股出奇地係最近幾個月既股價走勢都係反地心吸力，逆市向上。

我既理解係美國除牌呢樣野其實係well understood，不過大家都趁市差做低個股價。以我所了解到，部分對沖基金正trim down中慨股既倉位，減低自己exposure。特別係好多基金本身交易都唔睇基本面，純粹睇momentum。

我特別cap左唯品會既short interest圖，隨著股價逆市破頂，個short interest不斷build up上去，三傻另外兩隻都出現類似情況，估計係想趁呢次消息沽個價落去。不過幅圖update到3月15日，雖然唔知最新既實際數據，但估計呢2日三成既跌幅都足以令唔少基金平倉食糊。

講番隻百度，百度點解都跌得咁甘？因為佢係愛奇藝大股東，愛奇藝大跌佢冇可能獨善其身。雖然跌到好似微信女咁，但本身呢3間公司都唔係咩妖股，純粹係資金trigger既大跌。而因為呢一跌，跌到百度去到一個好吸引既水平。加上港股百度(9888)岩岩上市，有green shoe機制，今日見Merry Lynch護盤幾給力，所以馬達都小注加倉百度。

不過我都有機會睇錯，同埋接飛刀係一件好危險既事，大家都要小心風險。

馬達投資簡介：專注港股美股基本面分析，亦有研究環球經濟、指數去向、程式交易甚至樓市亦有涉獵。旨因馬達不是孤身一人，背後是一個團隊，橫跨金融、地產、會計、科技界別。在分享不同範疇的資訊時，亦希望能跟讀者們一同成長，學習更多知識。

而馬達除了在社交平台分享心得外，還有經營一個合伙形式的基金，主要投資於香港美國兩地股市，專注不同成長板塊，亦有配合衍生產品以加大基金回報。

＊文章獲馬達投資授權刊登，文章標題受《Market Digest》更改，原標題：【股災系列】中概股股災