【市場熱話】滙豐小股東組聯盟倡以股代息,聯盟代表記者會上聲淚控訴

市場熱話

「滙豐小股東權益大聯盟」於記者會上批評滙控(0005)管理層違背對投資者的承諾和多年來的恆常做法,也違反了市場經濟的正常運作及合約精神,有小股東更聲淚俱下表示「等息救命」。

聯盟代表之一順裕資產管理市場發展部經理葉子晴指出,滙控管理層除了要符合監管機構要求,應同時平衡股東的利益,保留以股代息的選項;並要求調整滙控高層的薪酬等。

小股東王女士指:「好多小股東信任滙豐,一年派4次息,而且息率又高,所以我之前買咗1萬股,擺喺度諗住收息,直至2月27號除淨前又買多1萬股,諗住起碼有3萬幾蚊息收,可以幫助吓日常開支。直至4月1號,英國話唔派息,咁你唔派息係咪應該以股代息呀?而家股又唔畀息又唔畀,簡直係晴天霹靂。咁你應該唔好叫HK Bank啦,叫UK Bank啦?我而家都唔知點算,息又冇得收,價又跌到咁低,我等住啲錢救命。欺騙我地啲小股民!」

小股東李女士指:「估唔到滙豐好似個賊咁,宣佈哂派息,宣佈哂派幾多,一句說話就話唔畀你,咁我擺喺佢嗰度嗰啲錢,佢可唔可以第日講一句,經濟環境唔好,所以啲錢唔會畀返存戶,我地要拎去救英國,得唔得呀?可唔可以咁樣呀?做好哂所有嘅嘢先話唔畀我地?你講好哂會畀,點可以突然撕哂呢張合約㗎,你仲有冇合約精神㗎?仲有冇承擔㗎?一間值得信任嘅公司,竟然同個騙子冇分別!」

聯盟指,已於數天內集齊了2%股東持股,目標是集齊5%並召開股東大會,要求管理層積極回應,相信管理層對香港投資者發出的公開信是因聯盟組成的壓力效果。聯盟又指,會研究要對監管機構作出申訴,同時亦正查詢法律意見,入稟追討,但重申目前首先是要求公司以股代息向股東作分派,而非作訴訟考慮,若管理層在限期前未有回應,不排除將行動升級。

關於聯盟提出的4項建議及目標:
第一,滙控應保留以股代息的選項,此舉不會減少滙豐銀行現金儲備,亦不會影響其在當前經濟動盪中的預期角色和責任。
第二,建議滙控高層作出薪酬調整,停發董事袍金最少一年。
第三,召集5%股份數量,以召開特別股東大會,要求管理層作出積極回應。
第四,委任香港小股東代表入董事局,以進行監察,將小股東提出的重要議題帶入董事局會議。

為什麼小股東們這麼憤怒?值得留意的是:投資者在滙豐除淨前買入滙豐收息,根據原先的派息政策,2月28日已登記於主要股東名冊內的股東,將於2020年4月14日收取0.21美元(折算約1.63港元)股息。滙豐除淨前一周股價約56元水平,一手為400股,假設入貨價為56元,一手為22400元,買入數日股價便除淨,股價除淨按理跌1.63元,至54.37元,股息收652元。不過滙豐突然取消派末期息,就令不少投資者既蝕除淨價又蝕息了。

消息來源:滙控小股東權益大聯盟記者會
製圖/文字:Market Digest

你可能感興趣

loading